Yangiliklar
Yangi binolar va rekonstruksiya qilinayotgan binolar quyosh panellari va suv isitgichlarini o`rnatish uchun talab qilinadi
O‘zbekistonda 2025-yil 1-iyundan boshlab binolarning energiya samaradorligini oshirishga qaratilgan yangi qoidalar kuchga kiradi. Bu Prezidentning 11-martdagi “Issiqlik ta’minoti sohasini tubdan isloh qilish to‘g‘risida”gi qarorida ko‘zda tutilgan.
Qarorga ko‘ra, binolarni qurish va rekonstruksiya qilish jarayonida loyiha hujjatlarida o‘z ehtiyojlari uchun energiya tejovchi uskunalar, muqobil isitish tizimlari (issiqlik nasoslari, quyosh kollektorlari) va qayta tiklanadigan energiya manbalari (quyosh batareyalari va boshqalar) qurilmalarini majburiy o‘rnatishga doir talablar kiritilishi kerak.
Talab moliyalashtirish manbalaridan qatʼi nazar (byudjet, xalqaro moliya institutlari, davlat-xususiy sheriklik, xususiy va boshqa manbalar) barcha obʼyektlarga nisbatan qoʻllaniladi.
Qurilish va uy-joy kommunal xizmat ko‘rsatish vazirligiga mazkur uskunalarni o‘rnatish, shuningdek, yangi binolarning fasad va tomlarini izolyatsiyalash ishlarini nazorat qilish topshirildi.
Yangi markazlashtirilgan issiqlik ta’minoti tizimlarini qurish, mavjudlarini modernizatsiya qilish va rekonstruksiya qilish bo‘yicha barcha loyihalar yopiq issiqlik ta’minoti tizimini joriy etishni nazarda tutadi.
Shuningdek, ko‘p xonadonli turar-joy binolarida ichki isitish tizimlari va issiq suv taqsimlash tizimlarini qurish, shuningdek, inshoot va tarmoqlarga hisobga olish priborlarini to‘liq o‘rnatish ham majburiy bo‘ladi.
Har yili ijtimoiy va ishlab chiqarish infratuzilmasini rivojlantirish dasturida issiqlik ta’minoti tarmog‘iga ajratilayotgan mablag‘larning kamida 10 foizi energiya tejovchi uskunalarni o‘rnatishga yo‘naltiriladi.
Qurilish va modernizatsiya qilish loyihalari amalga oshirilayotgan barcha ijtimoiy muassasalarda tejamkor sanitariya-gigiyena punktlari doimiy issiq suv ta’minoti, lavabolar, shuningdek, sport zallarida dush kabinetlari bilan ta’minlanib, ularni texnik ekspluatatsiya qilishda qulayliklar yaratilmoqda.
Qurilish va rekonstruksiya qilish loyihalari doirasida qozonxonalar quvvatini aniqlashda tegishli hududda joylashgan barcha ko‘p xonadonli turar-joy binolari, ijtimoiy muassasalar va ma’muriy binolar, shuningdek, sanoat va xususiy sektorning to‘liq qamrab olinishini hisobga olish topshirildi.
Markazlashtirilgan issiqlik ta’minoti mavjud bo‘lgan hududlarda yangi ko‘p xonadonli turar-joy binolari, ma’muriy binolar, ijtimoiy muassasalar, qurilayotgan ishlab chiqarish va savdo ob’ektlarini issiqlik tarmoqlariga ulash ham majburiy bo‘ladi.
“Issiqlikta’minoti” tizimidagi (23 ta issiqlik ta’minoti korxonasi balansiga o‘tkazilgan) va davlat-xususiy sheriklik asosida ishlayotgan korxonalarning issiqlik ta’minoti xizmatlari narxlari (tariflari) Idoralararo Tarif komissiyasi tomonidan tartibga solinadi.
Bundan tashqari, issiqlik ta’minoti korxonalari tomonidan foydalanilayotgan qozonxonalarni “Issiqlikta’minoti” kompaniyasining roziligisiz bo‘sh ob’ektlar deb belgilash, shuningdek, ularni elektron auksionga qo‘yish taqiqlanadi.
Iqtisodiyot va moliya vazirligiga tez fursatda ijtimoiy muassasalar hujjatlarini yangi talablarga muvofiqlashtirish, xalqaro ekspertlarni jalb etish va energiya tejamkor loyihalarni moliyalashtirish mexanizmlarini ishlab chiqish topshirildi.
Shuningdek, issiqlik ta’minoti tarmog‘ini modernizatsiya qilish uchun xalqaro moliya institutlarining grant va kreditlarini muntazam jalb etish ko‘zda tutilgan.
Eslatib o‘tamiz, 2025-yilda O‘zbekistonda 250 mingta ob’ektni quyosh batareyalari bilan jihozlash, shu jumladan, 150 mingta uy-joy ko‘zda tutilgan.
Joriy yilda O‘zbekistonda yangi binolardagi 135 ming xonadonni markazlashtirilgan isitish tizimiga ulash, oshxonalarni elektr pechka bilan jihozlash rejalashtirilgan.
Manba
